சுற்றுலா பயணியிடம் பாலியல் சீண்டல்: பல்கலைக்கழக மாணவர் கைது.!!

உனவடுனவில் வாடகை வாகனத்தில் பயணித்த பிரெஞ்சு நாட்டுப் பெண்ணிடம் அநாகரீகமாக நடந்துகொண்டதாக 25 வயதுடைய பல்கலைக்கழக மாணவர் ஒருவர் சுற்றுலா காவல்துறையினரால் கைது செய்யப்பட்டுள்ளார். இந்த சம்பவம் சமீபத்தில் இடம்பெற்றதாக தெரிவிக்கப்படுவதுடன், பாதிக்கப்பட்ட பெண் அளித்த புகாரின் அடிப்படையில் உடனடி நடவடிக்கை எடுக்கப்பட்டது.

பல்கலைக்கழகத்தில் கல்வி பயின்றுகொண்டிருந்த இவர், பகுதி நேரமாக வாடகை வாகன ஓட்டுநராக பணிபுரிந்து வந்துள்ளார். பயணத்தின் போது எல்லையை மீறிய நடத்தை காரணமாக குறித்த பெண் உடனடியாக புகார் அளித்ததாகவும், அதனைத் தொடர்ந்து உதவி ஆய்வாளர் தலைமையிலான போலீஸ் குழு விரைந்து செயல்பட்டு சந்தேக நபரையும் சம்பந்தப்பட்ட வாகனத்தையும் கைப்பற்றியதாகவும் தெரிவிக்கப்படுகிறது.

இந்த சம்பவம் சமூகத்தில் பரவலான கவனத்தை ஈர்த்துள்ளதுடன், சுற்றுலாப் பயணிகளின் பாதுகாப்பு குறித்து மீண்டும் கேள்விகளை எழுப்பியுள்ளது. சம்பவம் தொடர்பாக மேலதிக விசாரணைகள் நடைபெற்று வருவதுடன், சுற்றுலா துறையின் நற்பெயரை பாதுகாக்க கடுமையான நடவடிக்கைகள் அவசியம் என வலியுறுத்தப்படுகிறது.