![](https://thekural.com/wp-content/uploads/2026/02/The.jpeg")
யாழ்ப்பாணத்தின் ஊரெழு பகுதியில் நடைபெற்ற திருமணத்தைத் தொடர்ந்து, போலி நகை மற்றும் காணி உறுதி தொடர்பான மோசடி குற்றச்சாட்டுகள் வெளியாகி பரபரப்பை ஏற்படுத்தியுள்ளது. பிரான்ஸில் வசித்து வந்த 34 வயதுடைய நபர் ஒருவர், கடந்த ஆண்டு நவம்பரில் 27 வயதுடைய பெண்ணை திருமணம் செய்து கொண்டதாக தெரிவிக்கப்படுகிறது. இந்த திருமணம் குடும்பத்தினர் மற்றும் திருமண புறோக்கர் மூலமாக ஏற்பாடு செய்யப்பட்டிருந்தது.
திருமணத்தின் போது மணமகளுக்கான தாலி மற்றும் காணி வழங்கப்படும் என உறுதி செய்யப்பட்டிருந்த நிலையில், பின்னர் தாலி நகை தரமற்ற போலி நகையாக இருந்தது தெரியவந்ததாக கூறப்படுகிறது. இதையடுத்து குடும்பத்தினர் விசாரணை மேற்கொண்டபோது, நகைக்காக வழங்கப்பட்ட பணம் முறைகேடாக பயன்படுத்தப்பட்டதாகவும், மணமகளுக்காக வழங்கப்பட்ட காணி ஏற்கனவே அடமானம் வைக்கப்பட்டிருந்ததாகவும் தகவல்கள் வெளியாகியுள்ளன. இந்த விவகாரத்தில் மணமகளின் அக்கா மற்றும் அவரது கணவர் மீது சந்தேகங்கள் எழுந்துள்ளதாக தெரிவிக்கப்படுகிறது.
தற்போது கர்ப்பிணியாக உள்ள மணமகள் மற்றும் அவரது குடும்பம் அதிர்ச்சியடைந்த நிலையில் உள்ளதாக கூறப்படுகிறது. சம்பவம் தொடர்பாக பொலிஸில் முறைப்பாடு செய்ய நடவடிக்கைகள் முன்னெடுக்கப்பட்டுள்ளதாக தகவல்கள் தெரிவிக்கின்றன. இந்த விவகாரம், வெளிநாட்டில் வசிக்கும் மணமக்கள் திருமண ஏற்பாடுகளில் கூடுதல் கவனம் செலுத்த வேண்டிய அவசியத்தை மீண்டும் எடுத்துக்காட்டியுள்ளது.
