கல்வி பெயரில் காம வலை – சொகுசு காரில் மாணவிகளை சிக்கவைத்த டியூஷன் ஆசான் கைது.!!

மாத்தளை மாவட்டம் லக்கல, பகமூன மற்றும் நாவுல பகுதிகளில் டியூஷன் நடத்தி வந்த ஆசிரியர் ஒருவர், மாணவிகளை தவறாக பயன்படுத்தியதாகக் குற்றச்சாட்டில் கைது செய்யப்பட்ட சம்பவம் பரபரப்பை ஏற்படுத்தியுள்ளது. சமீபத்தில் ஒரு மாணவியின் தந்தை சந்தேகத்தின் பேரில் நேரடியாக எதிர்கொண்டதைத் தொடர்ந்து இந்த விவகாரம் வெளிச்சத்துக்கு வந்ததாக தெரிவிக்கப்படுகிறது. சம்பவம் தற்போது பொலிஸாரின் விசாரணைக்குட்பட்டுள்ளது.

விசாரணையில், குறித்த ஆசிரியர் மாணவிகளை மனோவியல் முறையில் கட்டுப்படுத்தி, “காதல்” என்ற பெயரில் நெருக்கத்தை உருவாக்கி அவர்களை தனிமைப்படுத்தியதாக குற்றச்சாட்டுகள் முன்வைக்கப்பட்டுள்ளன. மேலும், மாணவிகளை சொகுசு காரில் அழைத்துச் சென்று நக்கிள்ஸ் மலைப்பகுதி போன்ற இடங்களில் துஷ்பிரயோகம் செய்திருக்கலாம் என்ற தகவல்களும் வெளியாகியுள்ளன. இதனால் பல மாணவிகள் பாதிக்கப்பட்டிருக்கக்கூடும் என சந்தேகிக்கப்படுகிறது.

தற்போது குறித்த ஆசிரியர் கைது செய்யப்பட்டு விளக்கமறியலில் வைக்கப்பட்டுள்ளதுடன், சம்பவத்தில் பயன்படுத்தப்பட்டதாக கூறப்படும் சொகுசு காரும் பறிமுதல் செய்யப்பட்டுள்ளது. மேலதிக விசாரணைகள் தொடர்ந்து நடைபெற்று வரும் நிலையில், இந்த சம்பவம் பெற்றோர்கள் மத்தியில் பெரும் அதிர்ச்சியை ஏற்படுத்தியுள்ளது. மாணவர்களின் பாதுகாப்பு குறித்து அதிக கவனம் செலுத்த வேண்டிய அவசியம் மீண்டும் வலியுறுத்தப்படுகிறது.