கிளிநொச்சியில் மரணமான மாணவி அக்சயா தாய்க்கு எழுதிய கடிதம்.!!

கிளிநொச்சி மாவட்டம் ஜெயபுரம் பகுதியில் அமைந்துள்ள ஜெயபுரம் மகாவித்தியாலயத்தின் தரம் 11 மாணவி அக்சயா உயிரிழந்த சம்பவம் குறித்து நாடெங்கும் துயர அலை நிலவிக்கொண்டிருக்கின்ற நிலையில், அவர் தாயாருக்காக எழுதியதாக கூறப்படும் ஒரு உருக்கமான கடிதம் தற்போது வெளியாகியுள்ளது.

இந்த கடிதத்தில், தனது தாயை மிகுந்த பாசத்துடன் நினைத்துக் கொண்டு, “நான் நல்ல மகளாக இருக்க முடியவில்லை என்றால் மன்னிக்கவும்” எனக் குறிப்பிட்டுள்ளார். மேலும், தன்னை வளர்த்த விதத்திற்கும், அளித்த அன்பிற்கும் நன்றி தெரிவித்துள்ளதுடன், தாயின் எதிர்பார்ப்புகளை நிறைவேற்ற முடியாத நிலை குறித்து வருத்தமும் தெரிவித்துள்ளார்.

கடிதத்தில், குடும்ப உறுப்பினர்களை நினைவுகூர்ந்தும், “என்னை மன்னித்து விடுங்கள்” என பல இடங்களில் குறிப்பிட்டுள்ளதும், வாசிப்பவர்களின் மனதை உலுக்கும் வகையில் அமைந்துள்ளது. “I love you my family… I miss you… goodbye” போன்ற ஆங்கில வரிகளும் இதில் இடம்பெற்றுள்ளன.

இந்த கடிதம் சமூக வலைதளங்களில் பரவியதையடுத்து, பலரும் தங்களது அனுதாபங்களை பகிர்ந்து வருகின்றனர். இளம் வயதில் கல்வியில் முன்னேறிக் கொண்டிருந்த மாணவியின் மனநிலை குறித்து கவலை வெளியிடும் குரல்களும் எழுந்துள்ளன.

அக்சயாவின் இழப்பு அவரது குடும்பத்தினருக்கும், நண்பர்களுக்கும் மட்டுமல்லாமல், முழு சமூகத்திற்கும் ஒரு பெரும் சோகமாக மாறியுள்ளது. இத்தகைய சம்பவங்கள் மீண்டும் நிகழாமல் இருக்க, மாணவர்களின் மனநலனை கவனிப்பது அவசியம் எனவும் பலர் வலியுறுத்துகின்றனர்.