விலைகளைக் காட்சிப்படுத்தாத கடைகளுக்கு எதிராக நாடளாவிய ரீதியில் சுமார் 200 சோதனைகள்.!!

நுகர்வோர் பாதுகாப்புச் சட்டங்களை மீறியதாகக் கண்டறியப்பட்ட வர்த்தக நிலையங்களுக்கு எதிராக ஒக்டோபர் 20 முதல் 24 வரை சுமார் 200 விசேட சோதனைகளை நுகர்வோர் விவகார அதிகாரசபை மேற்கொண்டுள்ளது. இந்த நடவடிக்கைகள் பல மாவட்டங்களில் முன்னெடுக்கப்பட்டதாக தெரிவிக்கப்படுகிறது.

யாழ்ப்பாணம், அம்பாறை, மட்டக்களப்பு மற்றும் திருகோணமலை உள்ளிட்ட மாவட்டங்களில் மேற்கொள்ளப்பட்ட சோதனைகளின்போது, அரிசி, சீனி, பருப்பு, மரக்கறிகள் மற்றும் பழங்கள் உள்ளிட்ட பொருட்களின் விலைகளைத் தெளிவாகக் காட்சிப்படுத்தாத வர்த்தக நிலையங்கள் கண்டறியப்பட்டதாக அதிகாரசபை தெரிவித்துள்ளது.

சட்டத்தை மீறிய வர்த்தகர்களுக்கு எதிராக சட்ட நடவடிக்கைகள் ஆரம்பிக்கப்பட்டுள்ளதுடன், சில சந்தர்ப்பங்களில் நீதிமன்ற வழக்குகளுக்கான திகதிகளும் நிர்ணயிக்கப்பட்டுள்ளன. விலைகளைக் காட்சிப்படுத்தாத அல்லது நியாயமற்ற வர்த்தக நடவடிக்கைகளில் ஈடுபடும் கடைகள் குறித்து பொதுமக்கள் 1977 என்ற தொலைபேசி இலக்கத்தின் மூலம் முறைப்பாடு செய்யலாம் என அதிகாரசபை அறிவித்துள்ளது. இந்த வழக்குகளின் இறுதி முடிவுகள் குறித்த தகவல்கள் இன்னும் வெளியாகவில்லை.