சித்திரைப் புத்தாண்டு தினத்தில் ஒரே குடும்பத்தைச் சேர்ந்த மூவர் மாயம்; இருவர் பலி!

மகிந்தபுர பகுதியைச் சேர்ந்த 24, 34 மற்றும் 35 வயதுடைய இவர்கள் தந்தை மற்றும் மற்றொரு சகோதரருடன் நீராடிக் கொண்டிருந்தபோது இந்த அனர்த்தம் ஏற்பட்டுள்ளது.

காணாமல் போனவர்களைத் தேடும் பணியில் கடற்படையின் உயிர்காப்புப் பிரிவினரும் சேருநுவர பொலிஸாரும் இணைந்து தீவிரமாக செயல்பட்டு வருகின்றனர்.

இதேவேளை, காலி ஹபராதுவ கடற்கரையில் நீராடச் சென்ற இருவர் கடல் அலையில் இழுத்துச் செல்லப்பட்டு பின்னர் மீட்கப்பட்டாலும் உயிரிழந்ததாக உறுதிப்படுத்தப்பட்டுள்ளது.

உயிரிழந்தவர்கள் கட்டுநாயக்க பகுதியைச் சேர்ந்த 21 மற்றும் 26 வயதுடைய இளைஞர்கள் என அடையாளம் காணப்பட்டுள்ளனர். சுற்றுலா நோக்கில் வந்திருந்தபோது இந்த விபத்து ஏற்பட்டுள்ளதாக ஆரம்ப விசாரணைகள் தெரிவிக்கின்றன.

இந்த சம்பவங்கள் குறித்து பொலிஸார் மேலதிக விசாரணைகளை முன்னெடுத்து வருகின்றனர்; நீர்நிலைகளில் பாதுகாப்பு முன்னெச்சரிக்கை அவசியம் மீண்டும் வலியுறுத்தப்படுகிறது.