GenAI பெண்கள் வேலைகளை அதிக ஆபத்துக்களுக்கு உட்படுத்துகிறது – சர்வதேச தொழிலாளர் நிறுவனம் எச்சரிக்கை.!

உருவாக்கநிலை செயற்கை நுண்ணறிவால் (Generative AI) பெண்கள் ஆண்களை விட அதிக பணியிட அபாயங்களை எதிர்கொள்கின்றனர் என சர்வதேச தொழிலாளர் நிறுவனம் (ILO) வெளியிட்ட புதிய அறிக்கை குறிப்பிடுகிறது. தானியக்க மயமாக்கப்படும் பணிகளில் பெண்கள் அதிகளவில் ஈடுபடுவதால், தொழிநுட்பம் மற்றும் அறிவியல் துறைகளில் குறைந்த பிரதிநிதித்துவம் கொண்டதால், அவர்களின் வேலைகள் GenAI தாக்கத்திற்குக் கூடுதலாக ஆளாகும்.

ஆய்வு குறிப்பில், பெண்கள் அதிகம் பணியாற்றும் துறைகளில் GenAI தாக்கம் இரட்டிப்பாக இருக்கும் என்றும், தானியக்கத்துக்கு அதிகமாக உட்படுத்தப்படும் பணிகளில் அவர்கள் முக்கிய பாதிப்பை எதிர்கொள்வதாக எச்சரிக்கப்பட்டுள்ளது.

அறிக்கை விவரிக்கும் முக்கிய காரணங்கள்: பெண்கள் தானியக்கப்படக்கூடிய பணிகளில் அதிகளவில் உள்ளனர்; STEM துறைகளில் அவர்களின் பிரதிநிதித்துவம் குறைவு; GenAI சமூகத்தில் ஏற்கனவே உள்ள பாலின பாகுபாடுகளை பிரதிபலிக்கிறது.

நாடுகள் தரவுகளின்படி, ஆண்கள் அதிகம் உள்ள துறைகளில் GenAI தாக்கம் 16% மட்டுமே இருந்தால், பெண்கள் அதிகம் உள்ள துறைகளில் இது 29% ஆகும். தானியக்க அபாயம் அதிகமான பணிகளில் பெண்கள் 16% வேலைகளில் பாதிப்படைகிறார்கள்; ஆண்கள் அதிகம் உள்ள துறைகளில் இது 3% மட்டுமே. இதுபோன்ற தொழில் பாகுபாடு, செயலாளர், வரவேற்பாளர், ஊதியப் பதிவாளர் போன்ற பெண்கள் அதிகம் உள்ள பணிகளில் GenAI தாக்கத்தை அதிகரிக்கிறது.

ILO ஆய்வு வலியுறுத்தும் வகையில், GenAI தொழில்நுட்பத்தை பாலின சமத்துவம் ஒருங்கிணைந்த வகையில் வடிவமைக்க வேண்டியது அவசியம். தொழிலாளர் சந்தை கொள்கைகள், சமூக கலந்துரையாடல் மற்றும் பாலின மதிப்பீடுகளை அடிப்படையாகக் கொண்ட GenAI அறிமுகம், ஏற்கனவே உள்ள பாகுபாடுகளை வலுப்படுத்தாமல் பெண்களின் வேலை வாய்ப்புகளையும் தொழில்நுட்ப திறன் மேம்பாட்டையும் உறுதி செய்யும்.

தவறான வடிவமைப்பு மற்றும் செயல்பாடுகள், வேலை தரம் குறைதல், ஊதிய பிரச்சினைகள் மற்றும் வாய்ப்புகளின் குறைவு போன்ற பாதிப்புகளை உருவாக்கும் அபாயம் உள்ளதாக ஆய்வு எச்சரிக்கிறது.