தமிழக சட்டசபை தேர்தல்: யார் ஆட்சி? – முடிவு வரை நீளும் பரபரப்பு.!!

தமிழகத்தில் 17வது சட்டசபையை அமைக்கவுள்ள உறுப்பினர்களைத் தேர்வு செய்யும் தேர்தல் வெற்றிகரமாக நிறைவடைந்துள்ளது. இந்தத் தேர்தலில் 85.15 சதவீதம் என்ற சாதனை வாக்குப்பதிவு பதிவாகியுள்ளது. இது 1952 முதல் இதுவரை நடைபெற்ற தேர்தல்களில் இல்லாத அளவுக்கு அதிகமானதாகும்.

பொதுவாக அதிக வாக்குப்பதிவு இரண்டு விதமாகப் பார்க்கப்படுகிறது – ஆளுங்கட்சிக்கு அதிக ஆதரவு அல்லது அதற்கு எதிரான அதிருப்தி. இதற்கு முன் 2011 ஆம் ஆண்டு 78.01 சதவீத வாக்குப்பதிவு இடம்பெற்றபோது, அனைத்திந்திய அண்ணா திராவிட முன்னேற்றக் கழகம் ஆட்சியைக் கைப்பற்றியது குறிப்பிடத்தக்கது.

இந்த முறை தேர்தலில் திராவிட முன்னேற்றக் கழக கூட்டணி, அனைத்திந்திய அண்ணா திராவிட முன்னேற்றக் கழக கூட்டணி, தமிழக வெற்றிக் கழகம் மற்றும் நாம் தமிழர் கட்சி ஆகியவை போட்டியிட்டாலும், முக்கியமான மும்முனை போட்டி முதல் மூன்று கட்சிகளுக்கிடையேதான் நிலவுகிறது.

சிறப்பம்சமாக, இந்த தேர்தலில் 2021 ஆம் ஆண்டு தேர்தலை ஒப்பிடும்போது 20 லட்சத்திற்கும் அதிகமானோர் கூடுதலாக வாக்களித்துள்ளனர். மொத்தம் 234 தொகுதிகளில் பெரும்பாலான இடங்களில் 80 சதவீதத்தை கடந்த வாக்குப்பதிவு இடம்பெற்றுள்ளது.

இளைஞர்களிடையே விஜய் அவர்களுக்கு அதிக ஆதரவு இருப்பதாக பேசப்பட்டாலும், அது இறுதி முடிவில் எவ்வளவு தாக்கத்தை ஏற்படுத்தும் என்பது இன்னும் தெளிவாக தெரியவில்லை.

மேலும், சிறுபான்மை மற்றும் தாழ்த்தப்பட்ட சமூகங்களின் வாக்குகள் சிதறியிருக்கலாம் எனக் கூறப்படுவதால், பல தொகுதிகளில் குறைந்த வாக்கு வித்தியாசமே வெற்றியை நிர்ணயிக்கக்கூடும்.

தேர்தல் முடிவுகள் வெளியாகும் மே 4 ஆம் திகதி வரை அரசியல் கட்சிகளும், மக்களும் பெரும் எதிர்பார்ப்புடன் காத்திருக்கின்றனர்.

இறுதியாக – தீர்ப்பு மக்களுடையது!

👉 “⚠️ முக்கிய செய்திகளை உடனுக்குடன் பெற

WhatsApp ல join பண்ணுங்க 👇Follow this link to join my WhatsApp group: https://chat.whatsapp.com/J1sTnveZTdPEPX2QTYa8SK