கூர்மையான ஆயுதத்தால் தாக்கப்பட்டு ஒருவர் கொலை: இருவர் கைது.!!

இரத்தினபுரி – பனாமுர பொலிஸ் பிரிவிற்குட்பட்ட வேஅதுர பகுதியில், கூர்மையான ஆயுதங்களால் தாக்கப்பட்டு ஒருவர் கொலை செய்யப்பட்டுள்ளார். இந்த சம்பவம் நேற்று ஞாயிற்றுக்கிழமை (05.04.2026) இரவு இடம்பெற்றதாக பொலிஸார் தெரிவித்துள்ளனர். உயிரிழந்தவர் வேஅதுர, பனாமுர பகுதியைச் சேர்ந்த 46 வயதுடையவர் என அடையாளம் காணப்பட்டுள்ளார்.

ஆரம்ப விசாரணைகளின்படி, குறித்த நபர் அதே பகுதியில் உள்ள மற்றொரு வீட்டிற்குச் சென்றிருந்தபோது, அங்கு இருந்த இருவருடன் ஏற்பட்ட மோதல் காரணமாக தாக்குதல் நடத்தப்பட்டுள்ளது.

இதில் காயமடைந்த அவர் உடனடியாக பனாமுர வைத்தியசாலையில் அனுமதிக்கப்பட்ட நிலையில், சிகிச்சை பலனின்றி உயிரிழந்துள்ளார். கொலைக்கான காரணம் இதுவரை கண்டறியப்படவில்லை என தெரிவிக்கப்பட்டுள்ளது.

சம்பவம் தொடர்பாக இரு சந்தேகநபர்கள் கைது செய்யப்பட்டுள்ளனர். மேலதிக விசாரணைகளை பனாமுர பொலிஸார் மேற்கொண்டு வருகின்றனர். சம்பவத்தின் முழு பின்னணி குறித்து மேலும் தகவல்கள் கிடைக்க எதிர்பார்க்கப்படுகிறது.