![](https://thekural.com/wp-content/uploads/2026/02/The.jpeg")
மத்திய கிழக்கு பிராந்தியத்தில் நிலவும் நெருக்கடி காரணமாக நாட்டில் யூரியா உரத்தின் கையிருப்பு குறைந்துள்ளதாக விவசாய அபிவிருத்தி திணைக்களம் தெரிவித்துள்ளது. இதனால், 2026ஆம் ஆண்டு நடப்பு சிறுபோக நெற்செய்கைக்காக மட்டுமே யூரியா உரத்தை வழங்க தீர்மானிக்கப்பட்டுள்ளது.
தற்போதைய நிலையை கருத்தில் கொண்டு, கலக்கப்படாத யூரியா உரம் விவசாய சேவை நிலையங்கள் மூலம் விவசாயிகளுக்கு வழங்கப்படவுள்ளதாக அறிவிக்கப்பட்டுள்ளது. மேலும், நாட்டின் அனைத்து விவசாய அபிவிருத்தி உத்தியோகத்தர்களுக்கும் இந்த முடிவு குறித்து தெளிவுபடுத்தப்பட்டுள்ளது.
உர விநியோகத்தின் போது, ஒவ்வொரு விவசாயியும் பயிரிடும் நிலப்பரப்பின் அளவுக்கேற்ப தேவையான அளவு மட்டுமே வழங்குமாறு அதிகாரிகளுக்கு அறிவுறுத்தப்பட்டுள்ளது.
இந்நிலையில், கிடைக்கும் உரக் கையிருப்பை முறையாக முகாமைத்துவம் செய்து, 2026 சிறுபோக நெற்செய்கை எந்த தடையுமின்றி முன்னெடுக்கப்படுவதை உறுதி செய்ய திணைக்களம் வலியுறுத்தியுள்ளது. இந்த நடவடிக்கைகள் மூலம் உர பயன்பாட்டில் கட்டுப்பாடு ஏற்பட்டு, எதிர்காலத்தில் வள முகாமைத்துவம் மேம்படும் என எதிர்பார்க்கப்படுகிறது.
