இலங்கையில் பாதுகாப்பான UPI டிஜிட்டல் கட்டண வசதி விரிவாக்கம்.

NPCI International Payments Limited (NIPL) நிறுவனம் இந்திய சுற்றுலாப் பயணிகள் இலங்கையில் எளிதாகவும் பாதுகாப்பாகவும் பணம் செலுத்த UPI கட்டண முறையை முழு நாட்டிலும் விரிவுபடுத்தும் உறுதிப்பாட்டை மீண்டும் வலியுறுத்தியுள்ளது. இந்த முயற்சி மூலம் பயணிகள் தங்கள் மொபைல் செயலிகளில் உடனடி, பாதுகாப்பான டிஜிட்டல் கட்டணங்களை மேற்கொள்ள முடியும், இதன் மூலம் இலங்கையின் டிஜிட்டல் பொருளாதாரம் வலுப்பெறும் மற்றும் இரு நாடுகளுக்கிடையிலான பொருளாதார மற்றும் கலாச்சார உறவுகள் மேம்படும் என எதிர்பார்க்கப்படுகிறது.

UPI (Unified Payments Interface) முறை, உலகின் முன்னேறிய டிஜிட்டல் கட்டண முறைகளில் ஒன்றாகும். மாதத்திற்கு 20 பில்லியனுக்கும் மேற்பட்ட பரிவர்த்தனைகள் நடைபெறும் இந்த அமைப்பு இந்தியாவில் 700 மில்லியனுக்கும் மேற்பட்ட வணிக இடங்களில் பயன்படுத்தப்படுகின்றது. இலங்கையின் LankaQR வலையமைப்புடன் இணைக்கப்பட்டதால், Cinnamon Hotels & Resorts, Taj Hotels, Barista, Keells Super, ODEL போன்ற முன்னணி வணிக நிறுவனங்களில் இந்த வசதி தற்போது செயல்பட்டு வருகிறது. பயணிகள் தங்களது இந்திய வங்கி கணக்குகளிலிருந்து நேரடியாக பணம் செலுத்தி, மாற்று விகிதங்களை தெளிவாக அறிந்து கொள்ள முடியும், ரொக்கப் பண பயன்பாட்டை குறைக்கவும் இது உதவுகிறது.

NIPL நிறுவனம் இந்தியா-இலங்கை இடையிலான பொருளாதார உறவுகளை வலுப்படுத்தும் நோக்கில் ஹோட்டல்கள், வணிக நிறுவனங்கள் மற்றும் சுற்றுலா சேவைகளில் இந்த வசதியை மேலும் விரிவுபடுத்த திட்டமிட்டுள்ளது. சர்வதேச நாணய நிதியம் (IMF) தரவுகளின்படி, உலகளாவிய உடனடி கட்டண பரிவர்த்தனைகளில் சுமார் 49% UPI வழியாக மேற்கொள்ளப்படுகிறது. NIPL முகாமைத்துவப் பணிப்பாளர் Ritesh Shukla கூறியதாவது, இந்த முயற்சி இரு நாடுகளின் வணிக மற்றும் சுற்றுலா தொடர்புகளை எளிதாக்கி, இரு நாடுகளுக்கும் பொருளாதார பலன்களை வழங்கும் என்பதாகும்.