![](https://thekural.com/wp-content/uploads/2026/02/The.jpeg")
பம்பலப்பிட்டி பகுதியில் ‘ஐஸ்’ ரக போதைப்பொருளுடன் கைது செய்யப்பட்ட 32 வயதுடைய சந்தேக நபர் ஒருவரிடம் நடத்தப்பட்ட விசாரணைகளில், பல தொடர் கொள்ளைச் சம்பவங்கள் அம்பலமாகியுள்ளன.
கடந்த பிப்ரவரி 8ஆம் திகதி பம்பலப்பிட்டி பொலிஸாரால் கைது செய்யப்பட்ட பத்தரமுல்லையைச் சேர்ந்த இந்தச் சந்தேக நபர், நீதிமன்ற உத்தரவின் கீழ் தடுத்து வைக்கப்பட்டு விசாரிக்கப்பட்டு வந்தார்.
பம்பலப்பிட்டி, நாரஹேன்பிட்டி, பேலியகொட, தெமட்டகொட, தலங்கம, கோதுட்டுவ, மருதானை, குருந்துவத்தை, பொரள்ளை மற்றும் வெலிக்கடை ஆகிய பொலிஸ் பிரிவுகளில் சுமார் 8 மோட்டார் சைக்கிள்களை இவர் திருடியுள்ளமை கண்டுபிடிக்கப்பட்டுள்ளது.
மோட்டார் சைக்கிள்கள் மட்டுமன்றி, மடிக்கணினிகள் (Laptops) மற்றும் கையடக்கத் தொலைபேசிகளையும் இவர் திருடி வந்துள்ளார்.
சந்தேக நபரிடமிருந்து திருடப்பட்ட பல மோட்டார் சைக்கிள்கள் மற்றும் மடிக்கணினிகளை பொலிஸார் மீட்டுள்ளனர்.
சந்தேக நபர் இன்றைய தினம் (பெப்ரவரி 14) அளுத்கடை நீதவான் நீதிமன்றில் முன்னிலைப்படுத்தப்படவுள்ளார். பம்பலப்பிட்டி பொலிஸார் இது தொடர்பான மேலதிக விசாரணைகளை மேற்கொண்டு வருகின்றனர்.
