அநுர அரசுக்கு ஆதரவாக நாட்டின் பல பகுதிகளில் மாபெரும் அமைதிப் பேரணி.!!

ஜனாதிபதி அநுரகுமார திசாநாயக்க தலைமையிலான அரசுக்கு மக்கள் வழங்கிய ஆணையைப் பாதுகாக்க வேண்டும் என வலியுறுத்தி, “ஜனவரம புரவசியோ” (மக்கள் ஆணைக்கான பிரஜைகள்) அமைப்பின் ஏற்பாட்டில் நாட்டில் பல பகுதிகளில் மாபெரும் அமைதிப் பேரணிகள் முன்னெடுக்கப்பட்டு வருகின்றனர்.

இதற்கமைய, குருநாகலில் மாபெரும் அமைதிப் பேரணி ஒன்று நேற்று(22..10.2026) முன்னெடுக்கப்பட்டுள்ளது.

பௌத்த தேரர்களின் தலைமையில் நடைபெற்ற இந்தப் பேரணியில் ஆயிரக்கணக்கான பொதுமக்கள் திரளாகக் கலந்துகொண்டனர்.

நாட்டில் நல்லாட்சியை நிலைநிறுத்தும் வகையிலும், அரசின் துணிச்சலான நடவடிக்கைகளுக்கு வலுச்சேர்க்கும் வகையிலும் இந்தப் பேரணி நடத்தப்பட்டது.

திருடர்கள், ஊழல்வாதிகள் மற்றும் போதைப்பொருள் கடத்தல்காரர்களுக்கு எதிராக அரசால் முன்னெடுக்கப்படும் சட்ட நடவடிக்கைகளை எவ்வித தயக்கமுமின்றித் தொடர்ந்து முன்னெடுக்க வேண்டும் என்று இந்தப் பேரணியில் வலியுறுத்தப்பட்டது.

ஜனாதிபதி அநுரகுமார திசாநாயக்க தலைமையிலான அரசுக்கு மக்கள் வழங்கிய ஆணையைப் பாதுகாக்க வேண்டும் என்பதே இந்தப் பேரணியின் பிரதான நோக்கமாகும்.

ஜனாதிபதி அநுரகுமார திஸாநாயக்க தலைமையிலான அரசுக்கு மக்கள் வழங்கிய ஆணையைப் பாதுகாக்க வேண்டும் என வலியுறுத்தி, “ஜனவரம புரவசியோ” (மக்கள் ஆணைக்கான பிரஜைகள்) அமைப்பின் ஏற்பாட்டில் மாத்தறையில் மாபெரும் அமைதிப் பேரணி ஒன்று இன்று(23.10.2026) முன்னெடுக்கப்பட்டது.

பௌத்த தேரர்களின் தலைமையில் நடைபெற்ற இந்தப் பேரணியில் ஆயிரக்கணக்கான பொதுமக்கள் திரளாகக் கலந்துகொண்டனர்.

நாட்டில் நல்லாட்சியை நிலைநிறுத்தும் வகையிலும், அரசின் துணிச்சலான நடவடிக்கைகளுக்குச் சமூக ரீதியான வலுச்சேர்க்கும் வகையிலும் இந்தப் பேரணி ஏற்பாடு செய்யப்பட்டிருந்தது.

திருடர்கள், ஊழல்வாதிகள் மற்றும் போதைப்பொருள் கடத்தல்காரர்களுக்கு எதிராக அரசாங்கத்தால் முன்னெடுக்கப்பட்டு வரும் சட்ட நடவடிக்கைகளை எவ்விதத் தயக்கமுமின்றித் தொடர்ந்து தீவிரமாக முன்னெடுக்க வேண்டும் என்று பேரணியில் கலந்துகொண்ட மக்கள் வலியுறுத்தினர்.