![](https://thekural.com/wp-content/uploads/2026/02/The.jpeg")
யாழ்ப்பாணம் கரவெட்டி பகுதியில் நடைபெற்ற ஆலய திருவிழா ஒன்றில் நண்பர்களுக்கிடையே ஏற்பட்ட மோதல் கடும் வன்முறையாக மாறியதில் ஒருவர் படுகாயமடைந்துள்ளார். ஒன்றாக மது அருந்திய நண்பர்களுக்கிடையே ஏற்பட்ட வாய்த்தர்க்கம், பின்னர் கைகலப்பாக மாறி இந்த சம்பவம் இடம்பெற்றுள்ளது.
ஆலய நிகழ்வில் கலந்து கொண்ட இரு நண்பர்கள் மது அருந்திய நிலையில் ஏற்பட்ட தகராறு காரணமாக ஒருவர் கண்ணாடிப் போத்தலை உடைத்து மற்றொருவரை தாக்கியதாக தெரிவிக்கப்படுகிறது. தாக்குதலில் படுகாயமடைந்தவர் முதலில் பருத்தித்துறை ஆதார வைத்தியசாலையில் அனுமதிக்கப்பட்டு பின்னர் யாழ்ப்பாணம் போதனா வைத்தியசாலைக்கு மாற்றப்பட்டுள்ளார். அவரின் உடலில் 150-க்கும் அதிகமான தையல்கள் போடப்பட்டுள்ளதாக வைத்தியசாலை தகவல்கள் தெரிவிக்கின்றன.
இந்த சம்பவம் தொடர்பில் கரவெட்டி பொலிஸார் மேலதிக விசாரணைகளை மேற்கொண்டு வருகின்றனர். தாக்குதல் நடத்திய நபரை கைது செய்ய நடவடிக்கைகள் முன்னெடுக்கப்பட்டுள்ள நிலையில், சமூக நிகழ்வுகளில் மது பயன்பாடு ஏற்படுத்தும் அபாயங்கள் குறித்து மீண்டும் கவனம் செலுத்தப்படுகிறது.
