மொனராகலையில் இரு வீதி விபத்துகள்: இருவர் உயிரிழப்பு.!!

வாஹல்கட மற்றும் மொனராகலை பொலிஸ் பிரிவுகளில் நேற்று இடம்பெற்ற இரண்டு தனித்தனி வீதி விபத்துகளில் இருவர் உயிரிழந்துள்ளனர். வாஹல்கட பகுதியில் மோட்டார் சைக்கிள் ஒன்று மற்றொரு மோட்டார் சைக்கிளை முந்திச் செல்ல முயன்றபோது மோதல் ஏற்பட்டுள்ளது. இந்த விபத்தில் காயமடைந்த இரு ஓட்டுநர்களும் வைத்தியசாலையில் அனுமதிக்கப்பட்ட நிலையில், 54 வயதுடைய ஒருவர் உயிரிழந்துள்ளார்.

மொனராகலை–வெடிகும்புற வீதியில் தனியார் பேருந்தும் முச்சக்கரவண்டியும் மோதிய மற்றொரு விபத்தில் நால்வர் காயமடைந்துள்ளனர். முச்சக்கரவண்டியில் பயணித்த 70 வயதுடைய ஆண் ஒருவர் வைத்தியசாலையில் உயிரிழந்துள்ளார். காயமடைந்தவர்களில் 11 வயதுடைய சிறுவனும் அடங்குவதாகத் தெரிவிக்கப்பட்டுள்ளது.

இரண்டாவது விபத்து தொடர்பில் தனியார் பேருந்தின் சாரதி கைது செய்யப்பட்டுள்ளதாகப் பொலிஸார் தெரிவித்துள்ளனர். இரண்டு விபத்துகளின் சூழ்நிலைகள் தொடர்பிலும் மேலதிக விசாரணைகள் முன்னெடுக்கப்படுகின்றன.