மட்டக்குளி கொலை வழக்கு: 9 சந்தேகநபர்கள் கைது.!!

கொழும்பு மட்டக்குளி, கெமுணுபுர பகுதியில் கடந்த மார்ச் 31ஆம் திகதி இரவு கூர்மையான ஆயுதங்களால் தாக்கப்பட்டு ஒருவர் கொலை செய்யப்பட்ட சம்பவம் தொடர்பில் விசாரணைகள் முன்னெடுக்கப்பட்டன. இந்த சம்பவம் பகுதி மக்களிடையே அதிர்ச்சியை ஏற்படுத்திய நிலையில், மட்டக்குளி பொலிஸார் விசாரணைகளை தீவிரப்படுத்தினர்.

அதன்படி, நேற்று வியாழக்கிழமை (ஏப்ரல் 02) முன்னெடுக்கப்பட்ட விசேட சுற்றிவளைப்பில், கொலைச் சம்பவத்துடன் தொடர்புடைய 9 சந்தேகநபர்கள் கைது செய்யப்பட்டனர். கைது செய்யப்பட்டவர்கள் 19 முதல் 40 வயதுக்கு இடைப்பட்ட மட்டக்குளி பகுதியைச் சேர்ந்தவர்கள் என பொலிஸார் தெரிவித்துள்ளனர்.

கைது செய்யப்பட்ட சந்தேகநபர்கள் இன்று (ஏப்ரல் 03) புதுக்கடை நீதவான் நீதிமன்றில் ஆஜர்ப்படுத்தப்படவுள்ள நிலையில், இந்தக் கொலைச் சம்பவம் தொடர்பாக மட்டக்குளி பொலிஸார் மேலதிக விசாரணைகளை தொடர்ந்து மேற்கொண்டு வருகின்றனர்.