புத்தளத்தில் 84 கிராம் ஹெரோயினுடன் நபர் ஒருவர் கைது.!!

புத்தளம் பகுதியில் அதிகளவிலான ஹெரோயின் போதைப்பொருளுடன் 40 வயதுடைய நபர் ஒருவர் பொலிஸாரால் கைது செய்யப்பட்டுள்ளார். மொனராகலை மாவட்ட விஷப் போதைப்பொருள் ஒழிப்புப் பிரிவு அதிகாரிகள் மேற்கொண்ட சோதனை நடவடிக்கையின் போது இந்த கைது இடம்பெற்றதாக தெரிவிக்கப்படுகிறது.

சந்தேகநபரிடமிருந்து 84 கிராம் 50 மில்லிகிராம் ஹெரோயின், இரண்டு கையடக்கத் தொலைபேசிகள் மற்றும் போதைப்பொருள் விற்பனைக்கு பயன்படுத்தப்பட்ட தராசு ஒன்று கைப்பற்றப்பட்டுள்ளன. அண்மைக் காலத்தில் புத்தளம் பகுதியில் கண்டெடுக்கப்பட்ட அதிகளவிலான ஹெரோயின் இதுவாகும் என அதிகாரிகள் குறிப்பிட்டுள்ளனர்.

கைது செய்யப்பட்ட சந்தேகநபரை வெல்லவாய நீதவான் நீதிமன்றில் முன்னிலைப்படுத்த நடவடிக்கை எடுக்கப்பட்டுள்ள நிலையில், சம்பவம் தொடர்பாக மொனராகலை மாவட்ட விஷப் போதைப்பொருள் ஒழிப்புப் பிரிவினர் மேலதிக விசாரணைகளை தொடர்ந்து மேற்கொண்டு வருகின்றனர்.