![](https://thekural.com/wp-content/uploads/2026/02/The.jpeg")
ஈராக் தலைநகரான பாக்தாத்தில் உள்ள அமெரிக்க தூதரகம் மீது ஈரான் நடத்தியதாக கூறப்படும் தாக்குதல் பெரும் பரபரப்பை ஏற்படுத்தியுள்ளது. தூதரக வளாகத்தின் ஹெலிக்கொப்டர் இறங்குதளம் மீது ஏவுகணை விழுந்து வெடித்ததாகவும், அதன் பின்னர் கட்டிடத்திலிருந்து கரும்புகை எழுந்ததாகவும் தகவல்கள் தெரிவிக்கின்றன. இந்த சம்பவத்தை பதிவு செய்த வீடியோக்கள் சமூக வலைதளங்களில் வைரலாக பரவி வருகின்றன.
சில பாதுகாப்பு அதிகாரிகள் இந்த தாக்குதல் ட்ரோன் மூலம் நடத்தப்பட்டிருக்கலாம் எனவும், மற்றவர்கள் ஏவுகணை தாக்குதலாக இருக்கலாம் எனவும் கூறுகின்றனர். இதுவரை அமெரிக்க தூதரகம் சம்பவம் குறித்து அதிகாரபூர்வமான கருத்து வெளியிடவில்லை. இதற்கு முன்பு சவூதி அரேபியாவில் உள்ள பிரின்ஸ் சுல்தான் விமானப்படைத்தளத்தில் ஈரான் நடத்திய ஏவுகணை தாக்குதலில் அங்கு இருந்த 5 அமெரிக்க இராணுவ விமானங்கள் கடுமையாக சேதமடைந்ததாகவும் தகவல்கள் வெளியாகியுள்ளன.
இந்த சம்பவத்துக்குப் பிறகு பாக்தாத்தில் உள்ள அமெரிக்க தூதரக வளாகத்தின் பாதுகாப்பு கடுமையாக அதிகரிக்கப்பட்டுள்ளது. அந்த பகுதியைச் சுற்றி இராணுவம் குவிக்கப்பட்டு பாதுகாப்பு நடவடிக்கைகள் தீவிரப்படுத்தப்பட்டுள்ளன. இந்த நிகழ்வுகள் ஈராக் மற்றும் ஈரான் இடையேயான நிலைமைகளில் மேலும் கவனம் தேவைப்படுவதாகவும், அமெரிக்கா–ஈரான் உறவுகள் தொடர்ந்தும் பதற்றத்தை அதிகரிக்கும் அபாயம் உள்ளதாகவும் சர்வதேச வட்டாரங்கள் குறிப்பிடுகின்றன.
