ஏறாவூரில் வாள்வெட்டு தாக்குதல்: இரு இளைஞர்கள் கடுமையாக காயம்.!

மட்டக்களப்பு, ஏறாவூர் பொலிஸ் பிரிவிற்குட்பட்ட ஏறாவூர் முதலாம் பிரிவு இளையவன் வீதியில் திங்கட்கிழமை (23) இரவு இடம்பெற்ற வாள்வெட்டு சம்பவத்தில் இரு இளைஞர்கள் கடுமையாக காயமடைந்து மட்டக்களப்பு போதனா வைத்தியசாலையில் அனுமதிக்கப்பட்டுள்ளனர் என பொலிஸார் தெரிவித்துள்ளனர். சம்பவம் இரவு சுமார் 9.00 மணியளவில் நடைபெற்றதாக குறிப்பிடப்பட்டுள்ளது.

இரு நாட்களுக்கு முன்பு நடைபெற்ற கண்காட்சியின்போது இரு குழுக்களுக்கிடையில் ஏற்பட்ட வாய்த்தர்க்கமே இந்த தாக்குதலுக்குக் காரணமாகியுள்ளதாக ஆரம்ப விசாரணைகளில் தெரியவந்துள்ளது. அதன்பின், ஒரு குழுவினர் மற்றொரு குழுவினரை வீடு தேடி சென்று வாளால் தாக்கியதாகவும் பொலிஸார் தெரிவித்துள்ளனர்.

இந்த சம்பவம் தொடர்பாக மேலதிக விசாரணைகள் மேற்கொள்ளப்பட்டு வருகின்றன. சம்பந்தப்பட்டவர்களை கைது செய்ய நடவடிக்கைகள் முன்னெடுக்கப்படலாம் என எதிர்பார்க்கப்படுவதுடன், இத்தகைய வன்முறை சம்பவங்களை கட்டுப்படுத்த பாதுகாப்பு நடவடிக்கைகள் வலுப்படுத்தப்பட வேண்டியது அவசியமாகியுள்ளது.