எல்பிட்டிய மருத்துவமனையில் துயர சம்பவம்: மூன்றாவது மாடியில் இருந்து குதித்து ஒருவர் உயிரிழப்பு

Elpitiya Base Hospital-இன் மூன்றாவது மாடியில் இருந்து இன்று காலை ஒருவர் குதித்து தற்கொலை செய்து கொண்டதாக பொலிஸார் தெரிவித்துள்ளனர்.

உயிரிழந்தவர் கரந்தெனிய – கொஸ்வத்து மனானை பகுதியைச் சேர்ந்த 83 வயதுடைய எச்.ஏ. என அடையாளம் காணப்பட்டுள்ளார். அவர் அசோக குலரத்ன என்பவரின் தந்தை என்றும் தெரிவிக்கப்படுகிறது.

குறித்த மூத்த நபர் சிறுநீர் கோளாறு காரணமாக மருத்துவமனையின் முதல் வார்டில் உள்நோயாளியாக சிகிச்சை பெற்றுவந்தார்.

பின்னர் குணமடைந்த நிலையில் டிஸ்சார்ஜ் செய்யப்பட்டு, குடும்பத்தினர் வந்து அழைத்துச் செல்ல மருத்துவமனையில் காத்திருந்தபோது,
இன்று காலை வார்டின் ஜன்னலில் இருந்து குதித்து உயிரிழந்துள்ளார்.

சம்பவம் தொடர்பான மேலதிக விசாரணைகளை Elpitiya Police மேற்கொண்டு வருகின்றனர். இறந்தவரின் ஆத்மா சாந்தியடைய பிரார்த்திக்கின்றோம்.

இத்தகைய துயரச் சம்பவங்கள் குறித்து பாதிப்படைந்தவர்கள் அல்லது குடும்பத்தினர் உதவி தேவைப்பட்டால், அருகிலுள்ள சுகாதார சேவைகள் அல்லது நம்பகமான ஆலோசனை உதவி மையங்களை அணுகுமாறு அறிவுறுத்தப்படுகிறது.