இலங்கைப் பொருளாதாரத்தில் முன்னேற்றம்: உற்பத்தி மற்றும் சேவைத் துறைகள் அபார வளர்ச்சி!

இலங்கை மத்திய வங்கியின் தரவுகளின் படி, 2026 ஜனவரி மாதத்தில் நாட்டின் உற்பத்தி மற்றும் சேவை ஆகிய இரண்டு பிரதான துறைகளுமே நேர்மறையான வளர்ச்சையைப் பதிவு செய்துள்ளன.

இதன்படி, நாட்டின் உற்பத்தித் துறை 56.1 புள்ளிகளாகப் பதிவாகியுள்ளது. மேலும், சேவைத் துறை 64.5 புள்ளிகள் என்ற உயர் மட்டத்தை எட்டியுள்ளது. கடந்த 2025 டிசம்பர் மாதத்துடன் ஒப்பிடும்போது வளர்ச்சியின் வேகம் சற்று மந்தமடைந்திருந்தாலும், அனைத்து துணைச் சுட்டெண்களும் நடுநிலை வரம்பிற்கு (50.0) மேலேயே காணப்படுகின்றன.

அதிலும் குறிப்பாக, புதிய கொள்வனவு கட்டளைகள் மற்றும் உற்பத்தி நடவடிக்கைகள் விரிவடைந்துள்ளன. அத்துடன், பொருட்களின் கையிருப்பு மற்றும் வேலைவாய்ப்பு மட்டங்கள் சீராக உள்ளன.

இந்தத் தரவுகள் 2026-ஆம் ஆண்டின் தொடக்கத்தில் இலங்கைப் பொருளாதாரம் ஒரு நிலையான முன்னேற்றப் பாதையில் இருப்பதைக் காட்டுகின்றன. இந்த நிலையில், 50 புள்ளிகளுக்கு மேல் சுட்டெண் அமைந்திருப்பது அந்தந்தத் துறைகளின் விரிவாக்கத்தை உறுதிப்படுத்துகிறது.