![](https://thekural.com/wp-content/uploads/2026/02/The.jpeg")
மட்டக்களப்பு – களுவாஞ்சிக்குடி பொலிஸ் பிரிவிற்குட்பட்ட திருப்பழுகாமம் பகுதியில் 22 வயதுடைய இளம் பெண் ஒருவர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.
மாவேற்குடா பகுதியைச் சேர்ந்த வேணுகரன் சுமேதா என்பவரே இவ்வாறு உயிரிழந்துள்ளதாக தெரிவிக்கப்படுகிறது.
ஆரம்பக்கட்ட தகவல்களின் படி, குடும்ப வாழ்க்கையில் ஏற்பட்ட மன அழுத்தம் மற்றும் உளவியல் பாதிப்புகள் காரணமாக இந்த துயர சம்பவம் இடம்பெற்றிருக்கலாம் என கூறப்படுகிறது.
தற்போது உயிரிழந்தவரின் சடலம் பிரேத பரிசோதனைக்காக மட்டக்களப்பு போதனா வைத்தியசாலையில் வைக்கப்பட்டுள்ளதுடன், சம்பவம் தொடர்பில் களுவாஞ்சிக்குடி பொலிஸார் மேலதிக விசாரணைகளை மேற்கொண்டு வருகின்றனர்.
வாழ்க்கையில் எந்த பிரச்சினையும் நிரந்தரமானது அல்ல. சில நேரங்களில் கோபம், மனவேதனை, ஏமாற்றம் அல்லது குடும்ப சிக்கல்கள் காரணமாக வாழ்க்கையே முடிந்து விட்டது போல தோன்றலாம். ஆனால் தற்கொலை என்பது ஒருபோதும் தீர்வாகாது.
மன உளைச்சல் ஏற்பட்டால் தனியாக அமைதியாக துன்பப்படாமல், நம்பிக்கைக்குரிய ஒருவர், குடும்பத்தினர், நண்பர்கள் அல்லது மனநல ஆலோசகருடன் பேசுவது மிகவும் முக்கியம். ஒரு உரையாடல் கூட ஒரு உயிரை காப்பாற்ற முடியும்.
