போராட்டத்தில் ஈடுபடும் பிக்குகளுக்காக தெவட்டகஹ பள்ளிவாசல் எடுத்துள்ள நடவடிக்கை.!!

ஞானசார தேரரின் விடுதலைக்காக விஹாரமஹா தேவி பூங்காவில் தங்கியிருக்கும் பௌத்த பிக்குகளுக்கான மலசல கூட வசதிகளை பூர்த்தி செய்ய கொழும்பு தெவட்டகஹ பள்ளிவாயல் அனுமதி வழங்கியுள்ளதாக போராட்ட ஏற்பாட்டாளர்கள் தெரிவித்துள்ளனர்.

ஞானசார தேரரை பொதுமன்னிப்பில் விடுதலை செய்ய வலியுறுத்தி ஜனாதிபதி செயலகத்திற்கு முன்னால் போராட்டத்தில் ஈடுபட்ட பிக்குமார், அங்கு போராட்டம் நடத்த நீதிமன்றம் அனுமதி மறுத்த நிலையில் தற்போது விஹாரமஹா தேவி பூங்காவில் சத்தியாக்கிரகம் மேற்கொண்டுள்ளனர்.

இதனையடுத்து சட்டவிரோதமாக போராட்டத்தில் ஈடுபடுவோரை அகற்றும் நோக்கில் விஹாரமஹா தேவி பூங்காவின் மலசல கூட வசதிகள் மற்றும் நீர்விநியோகம் என்பன மாநகர சபையினால் முடக்கப்பட்டுள்ளதாக கூறப்படுகின்றது.

இந்நிலையில், குறித்த பௌத்த பிக்குகளுக்கான மலசல கூட வசதிகளை பூர்த்தி செய்ய கொழும்பு தெவட்டகஹ பள்ளிவாயல் அனுமதி வழங்கியுள்ளதாக போராட்ட ஏற்பாட்டளர்கள் தெரிவித்துள்ளனர்.