தவறு செய்பவர்கள் துறவறத்திலிருந்து நீக்கப்பட வேண்டும் – ஓமல்பே சோபித தேரர்

போதைப்பொருள் கடத்தல் மற்றும் பாலியல் குற்றச்செயல்களில் சில தேரர்கள் தொடர்புடையதாக வெளியாகும் செய்திகள் பௌத்த மக்களிடையே பெரும் விரக்தியையும் கவலையையும் ஏற்படுத்தியுள்ளதாக, Omalpe Sobhitha Thero தெரிவித்துள்ளார்.

துறவற வாழ்க்கையை ஏற்கும் ஒருவர் தனது தனிப்பட்ட ஆசைகள், விருப்பங்கள் மற்றும் உரிமைகளைத் துறந்து ஒழுக்க நெறிகளைப் பின்பற்ற வேண்டும் என்றும் அவர் சுட்டிக்காட்டினார்.

அதேவேளை, சிலரின் தவறான செயல்களுக்காக முழு பிக்கு சமூகத்தையும் குற்றம் சாட்டுவது நியாயமற்றது எனவும் அவர் குறிப்பிட்டார்.

சட்டத்தின் முன் அனைவரும் சமம் என்பதால், குற்றங்களில் ஈடுபடும் பிக்குகளுக்கு எந்தவித சிறப்புச் சலுகைகளும் வழங்கப்படக்கூடாது என்றும், அவர்கள் மீது பாரபட்சமின்றி சட்டம் அமுல்படுத்தப்பட வேண்டும் என்றும் வலியுறுத்தினார்.

மேலும், குற்றச்செயல்களில் ஈடுபடுவதாக நிரூபிக்கப்படும் பிக்குகள் துறவறத்திலிருந்து நீக்கப்பட வேண்டும் என்பதையும் அவர் வலியுறுத்தியுள்ளார்.