ஒரே வீட்டினுள் பெண் கொலை – ஆண் தூக்கிட்டு உயிர்மாய்ப்பு.!

வெல்லவ, நிக்கதலுபொத்த பகுதியில் உள்ள வீடு ஒன்றில் இடம்பெற்றுள்ள துயரகரமான சம்பவம் அப்பகுதி மக்களை அதிர்ச்சியில் ஆழ்த்தியுள்ளது.

வீட்டினுள் பெண் ஒருவர் கூர்மையான ஆயுதத்தால் தாக்கப்பட்டு உயிரிழந்த நிலையில் கண்டுபிடிக்கப்பட்டுள்ளார். அதே வீட்டில் ஆண் ஒருவரும் தூக்கிட்டு உயிர்மாய்ப்பு செய்துகொண்ட நிலையில் மீட்கப்பட்டுள்ளார்.

இருவருக்கும் இடையே ஏற்பட்ட கடுமையான வாக்குவாதம் தீவிரமடைந்ததன் பின்னரே இந்த சம்பவம் இடம்பெற்றிருக்கலாம் என பொலிஸாரின் ஆரம்பகட்ட விசாரணைகளில் தெரியவந்துள்ளது.

சம்பவம் தொடர்பாக தகவல் கிடைத்தவுடன் பொலிஸார் சம்பவ இடத்துக்கு விரைந்து சென்று விசாரணைகளை ஆரம்பித்துள்ளனர்.

உயிரிழந்த இருவரின் அடையாளங்கள் மற்றும் சம்பவத்தின் உண்மையான பின்னணி குறித்து மேலதிக விசாரணைகள் தொடர்ந்து முன்னெடுக்கப்பட்டு வருகின்றன.

குடும்பத் தகராறுகள் மற்றும் உணர்ச்சிவசப்பட்ட முடிவுகள் பல நேரங்களில் ஈடுசெய்ய முடியாத இழப்புகளை ஏற்படுத்துகின்றன. பிரச்சினைகள் ஏற்படும் சந்தர்ப்பங்களில் அமைதியான முறையில் தீர்வு காண்பது அவசியம் என சமூக ஆர்வலர்கள் வலியுறுத்துகின்றனர்..