எலிமினேட்டர் சுற்றில் ஐதராபாத்தை எளிதாக வென்றது ராஜஸ்தான்.!!

ராஜஸ்தான் ராயல்ஸ் மற்றும் சன் ரைசர்ஸ் ஹைதராபாத் அணிகளுக்கிடையே நடைபெற்ற எலிமினேட்டர் போட்டியில் ராஜஸ்தான் அணி 47 ரன்கள் வித்தியாசத்தில் வெற்றி பெற்று அடுத்த சுற்றுக்கு முன்னேறியது.

முதலில் பேட்டிங் செய்த ராஜஸ்தான் ராயல்ஸ் அணி அதிரடியான ஆட்டத்தை வெளிப்படுத்தி 20 ஓவர்களில் 243 ரன்கள் எட்டு விக்கெட் இழப்புக்கு எடுத்தது. இதில் மிக இளம் வீரரான வைபவ் சூர்யவன்ஷி அபாரமான ஆட்டத்தை வெளிப்படுத்தி 97 ரன்கள் வெறும் 29 பந்துகளில் குவித்தார். அவரது ஆட்டத்தில் 12 சிக்ஸர்கள் இடம்பெற்றன. அவருக்கு துணையாக துருவ் ஜுரெல் வேகமான அரைசதம் அடித்து அணியின் ஸ்கோரை மேலும் உயர்த்தினார்.

பெரிய இலக்கை துரத்திய சன் ரைசர்ஸ் ஹைதராபாத் அணி தொடக்கத்திலேயே விக்கெட்டுகளை இழந்து சிக்கலில் விழுந்தது. தொடர்ந்து அழுத்தம் அதிகரித்த நிலையில் மிடில் ஓவர்களில் மீள முடியாமல் அந்த அணி 196 ரன்களுக்கு அனைத்து விக்கெட்டுகளையும் இழந்தது.

பந்து வீச்சில் ஜோஃப்ரா ஆர்ச்சர் முக்கிய கட்டத்தில் மூன்று விக்கெட்டுகளை கைப்பற்றி எதிரணி ரன் வேகத்தை கட்டுப்படுத்தினார். மற்ற பந்து வீச்சாளர்களும் தொடர்ச்சியாக அழுத்தம் கொடுத்து சன் ரைசர்ஸ் அணியை தடுமாறச் செய்தனர்.

இந்த வெற்றியுடன் ராஜஸ்தான் ராயல்ஸ் அணி அடுத்த சுற்றுக்கு முன்னேறியுள்ளது. சன் ரைசர்ஸ் ஹைதராபாத் அணி தொடரிலிருந்து வெளியேறியுள்ளது.