இலங்கையின் ஏற்றுமதி வருமானம் முதல் ஒன்பது மாதங்களில் 13.61 பில்லியன் அமெரிக்க டொலராக உயர்வு.!!

2026 ஜனவரி முதல் செப்டம்பர் வரையான காலப்பகுதியில் இலங்கையின் மொத்த ஏற்றுமதி வருமானம் 13.61 பில்லியன் அமெரிக்க டொலரை எட்டியுள்ளது. இது 2025ஆம் ஆண்டின் இதே காலப்பகுதியுடன் ஒப்பிடுகையில் 5.04 சதவீத அதிகரிப்பாகும் என இலங்கை ஏற்றுமதி அபிவிருத்திச் சபையின் சமீபத்திய மதிப்பீடுகள் தெரிவிக்கின்றன.

பொருட்கள் ஏற்றுமதி வருமானம் 10.76 பில்லியன் டொலராகவும் சேவைகள் ஏற்றுமதி வருமானம் 2.85 பில்லியன் டொலராகவும் பதிவாகியுள்ளது. இவற்றில் பொருட்கள் ஏற்றுமதி 5.35 சதவீதத்தாலும் சேவைகள் ஏற்றுமதி 3.88 சதவீதத்தாலும் அதிகரித்துள்ளன.

செப்டம்பர் மாதத்தில் மட்டும் மொத்த ஏற்றுமதி வருமானம் ஆண்டுக்கு ஆண்டு 17.23 சதவீதம் அதிகரித்து 1.69 பில்லியன் டொலரை எட்டியுள்ளது. எனினும், முதல் ஒன்பது மாதங்களில் ஆடை மற்றும் துணி ஏற்றுமதி வருமானம் 5.68 சதவீதத்தாலும் தேயிலை ஏற்றுமதி வருமானம் 6.83 சதவீதத்தாலும் குறைந்துள்ளதால், மொத்த வளர்ச்சி அனைத்து ஏற்றுமதித் துறைகளிலும் ஒரே அளவில் பதிவாகவில்லை.